Progetto della scuola

1-  Shkolla 9-vjeçare publike e arsimit bazë ?

·        Arsimi bazë përfshin arsimin fillor dhe arsimin e mesëm të ulët

·        Arsimi bazë është i detyrueshëm nga mosha gjashtë-shtatë vjeç deri në dhjetë vjeç

·        Arsimi bazë synon zhvillimin shoqëror,intelektual e fizik të çdo nxënësi, zotërimin e rregullave të sjelljes dhe kultivimin e vlerave për kujdesjen për shëndetin,si dhe përgatitjen e mjaftueshme për vazhdimin e arsimit të mesëm të lartë dhe për tregun e punës.

( marrë nga Ligji 69  2012 )

Shkolla 9-vjeçare ‘’Imelda Lambertini’’

           Përse duhet ta zgjedhësh?

Sepse duke pranuar  Kurrikulën  Shtetërore                                     shkolla ‘’Imelda Lambertini’’ përcakton identitetin e saj  formueso-kulturor, të cilin ia propozon nxënësit dhe familjes.

Sepse kurrikula është e zgjeruar me shtimin e lëndëve,metodologji bashkohore dhe veprimtari artistiko-kulturore që favorizojnë mësimin.

Sepse, përgatitja kulturore në një proçes edukativ  është i orientuar  drejt formimit integral dhe harmonik të njeriut.

2-    Të dhëna historike

Institucioni  ’’ Motrat Domenikane të së Lumes Imelda’’  që aktualisht  drejton shkollën  9 – vjeçare “ Imelda Lambertini”  në Elbasan i ka pasur rrënjët e saj ne Venecia që prej vitit 1922.

Themeluesi i këtij Institucioni  është At Xhokondo Piu Lornja, doktor në teologjinë morale dhe studiues i së vërtetës.

I apasionuar me kulturën dhe edukimin e të rinjve, ai i besoi Institutit detyrën e edukimit kulturor të fëmijve e të rinjve. Motrat Domenikane të së Lumes Imelda e kanë realizuar me kompetencë të plotë këtë mision edukativ duke vënë në përdorim adresimin edukativ të akredituar dhe të themeluar mbi njeriun, si psh. pedagogjinë dhe Metoda e Montesorit

Shkolla jonë frekuentohet nga nxënës pa dallim social, fetar,  heterogjen,  të ardhur nga zona të ndryshme të qytetit.

Nxënësve që vijnë prej familjeve të varfra, shkolla u mundëson përveç mësimdhënies edhe mos pagesën apo uljen  e kontributit mujor.

Kujdesi i Motrave është ofrimi i kushteve sa më të mira për edukimin e nxënësve,për bashkëpunimin me familjen si dhe për kualifikimin e stafit pedagogjik.

Kongregata Motrat Domenikane Të Së Lumes Imelda kryen misionin e saj evangjelizues dhe edukimin e të rinjve nëpërmjet formimit integral të personit.

3-Mendimi ynë mbi edukimin

Arti i edukim-arsimit, konsiston  në artin e zgjimit  të kuriozitetit natyral të rinjve, me qëllim kënaqjen e tyre në vazhdim.  (Maria Montesori)

Shkolla 9-vjeçare ‘’Imelda Lambertini’’ është një shkollë e lirë, e inspiruar nga parimet katolike  pra motrat Domenikane të së Lumes Imelda, mësuesit, stafi në tërësi ndajnë një projekt edukativ të plotë i cili ka në qendër të tij njeriun, të ndihmojë rritjen e tij njerëzore e kulturore,që ky njeri të pajiset me instrumentat mësimorë e edukativë  në mënyrë që të bëhet pjesëtar i denjë i shoqërisë.                          

 Kjo do të thotë se Motrat Domenikane të së Lumes Imelda, mësuesit dhe i gjithë stafi në tërësi kanë përgjegjësi edukative,ndaj janë të kujdesshëm kundrejt çdo nxënësi dhe janë të aftë të krijojnë kushtet të cilat i lejojnë  mësimin dhe formimin e karakterit e tij.

3-    Tradita

-       ‘’Në edukim luhet e ardhmja e një shoqërie. Është provuar se vetë rritja ekonomike e një shteti rritet në proporcion me investimin që bëhet në formimin e brezit të ri.  ‘’    I .Ratzinger

Qendra e formimit ‘’Imelda Lambertini’’ që nga fillimi i veprimtarisë së saj,propozon favorizimin e rritjes dhe të vlerësimit të personit njerëzor, duke respektuar ritmet e moshës evolutive, ndryshimet dhe identitetin e çdo nxënësi. Kjo gjë arrihet falë veprimatrisë së të gjithë përbërësve të ‘’Komunitetit të Edukimit’’: Motrat Domenikane të së Lumes Imelda,mësuesit, personeli në tërësi, prindërit e nxënësve.     Ky komunitet lidh kujdesin ndaj didaktikës dhe formimit si shërbim ndaj territorit me kujdesin ndaj edukimit e kulturës si ‘’motori’’ i zhvillimit shoqëror e social: instrumenta për t’u bërë qytetarë të lirë.

4-    Sfidat e Reja

-       ‘’Nuk dekurajohem sepse çdo tentativë është një hap tjetër përpara.’’  Thomas Edison

Shkolla 9-vjeçare ‘’Imelda Lambertini’’ është ndëtuar me struktura të studiura për t’i shërbyer sa më mirë nxënësve. Është e re sepse gjithmonë është gati të pranojë sfidat bashkohore. Është e kujdesshme ndaj kulturës sonë,për të kuptuar proçeset dhe për të identifikuar ‘’idetë’’ që e kompletojnë. 

5-    Qëllimi ynë

-       ‘’Shkolla si qendër shoqërore, marrëdhënieje, edukimi për të ndërtuar shoqërinë njerëzore mbi vlerat më të larta të jetës.’’  Maria Montesori.  

 Shkolla ‘’Imelda Lambertini’’ përgatit nxënësit të pajisen me një bazë të sigurtë kulturore, garanci për një vazhdim të mbarë të arsimit të mesëm  të lartë Kjo shkollë është një vend ku mësohet të jetohet dhe të bashkëjetohet; mëson të fitosh përgatitjen kulturore.                                                           Kurrikula është një lloj drejtimi e orientimi e cila lejon mësuesit dhe nxënësit të hapen drejt Universit,Tokës,jetës dhe njerëzimit.

7    Profili në përfundim të ciklit 9-vjeçar

Nxënësi që zgjedh shkollën 9-vjeçare ‘’Imelda Lambertini’’ në përfundim të ciklit të detyruar:                                             -  ka kompetenca kulturore në veçanti nga ana linguistike dhe matematikore                                            - është i përgatitur në profilet sociale e shkencore, për të vazhduar arsimin e mesëm të lartë                                            - njeh dhe përdor dy gjuhë të huaja.                                 - Është i aftë të mendojë në mënyrë kritike e të pavarur.                                                                         - Ka vlera njerëzore e referimi.                                              - Është kompetent në përdorimin e mjeteve   informatike.

6-    Anët e forta të shkollës

Vlerat                                                                                              Edukimi i vlerave:                                                      - Respekti për vetën,për të tjerët dhe për ambientin.                                                                                     -Përgjegjësia,drejtësia,liria, paqja.                                                              -Impenjim, vetëedukim.                                                           -Bashkejetesa me të ndryshëm.                                               -Promovimi i identitetit kulturor                                     -Marrëdhënie konstruktive.                                               -Njeriu në qendër,ndihma për t’u rritur.                                  -Kujdesi ndaj mënyrave, stileve të mësuarit.                -Kontakti me territorin.     

Metoda                                                                                   -Përdorimi i metodës Montesori.                                      -Përdorimi i aparateve teknologjikë                                      -Përdorim i metodologjive të ndryshme dhe të kredituara.   

Profesionaliteti i stafit pedagogjik                                       -Kompetenca specifike me tituj akademikë.                                    -Azhornim dhe formim i vazhdueshëm.                        -Ndarje linjave edukative.                                           -Kolegjialitet dhe koherencë.                                                   -Punë në grup.

Krijimi i një mjedisi bashkëpunues                                                       Shkolla ‘’Imelda Lambertini’’ zgjedh të kurojë me kujdes marrëdhëniet edukative me nxënësit,me familjet e tyre dhe Terrtorin. Mësohet të lehtësojë marrëdhëniet brenda shkollës duke nxitur frymën e bashkëpunimit mes tre palëve të lartpërmendura për një bashkëjetesë adeguate.

      8  Ide të qarta në vlersim

      Vlerësimi është një tërësi veprimesh për t’i dhënë atribut vlerave kulturore e humane.                                                    Qëllimi  i vlerësimit është të përcaktojë arritjen e objektivavenëpërmjet kritereve të vendosura në çdo program lindo  dhe të identifikojë instrumenta strategjikë për t’i arrirë.                                        Vlerësimi fillestar                                                                                                              Çdo mësues në fillim të vitit përgatit një test fillestar për të pasur një njohje të qartë të përgatitjes dhe aftësive në përgatitjen ditore dhe të mjedisit të klasës                                                                                 Vlerësimi formues i vazhdueshëm shprehet me notë. Është i bazuar në tekste me shkrim apo me gojë,projekte,punë praktike etj.Ka si objektiv të rekuperojë  boshllëqet e paraqitura nga nxënësi gjatë gjithë proçesit mësimor.                                                                              Vlersimi përmbledhës shprehet në fund të semestreve dhe në fund të vitit shkollor.                    Duhet të kemi parasysh përveç rezultatit edhe,interesin, pjesëmarrjen,impenjimin dhe frekuentimin e nxënësit në çdo orë mësimi. Vlerësimi përmbledhës shkruar në dëftesë komunikohet në përfundim të semestrit dhe në fund të vitit shkollor.  

11. Kriteret e vleresimit me goje dhe me shkrim  

Nota	Vlerësimi
4	Nxënësi nuk dallon gabimet dhe nuk shfaq asnjë përmirësim.  Ka njohuri të turbullta të temave të zhvilluara dhe i shtjellon me shumë gabime.
5	Nxënësi kupton gabimet e bëra dhe arrin t°i korrigjojë. Njeh ( ka njohuri)  të temave të zhvilluara dhe i paraqet në mënyrë të mjaftueshme, por me pak saktësi.
6	Nxënësi kupton dhe është në gjëndje të rekuperojë disa gabime nga detyra me shkrim. Njeh temat e zhvilluara dhe di t*i shpehë me pak gabime.
7	Njeh gabimet e detyrave me shkrim dhe tregon  aftësi rekuperimi. Temat e zhvilluara janë asimiluar, shprehet me një korrektësi të mjaftueshme.
8	Aplikon njohuritë në plotësimin e detyrave me shkrim. Temat e zhvilluara janë të paraqitura në mënyrë të sigurtë dhe korrekte.
9	( Nëse) di ë aplikojë njohuritë në detyrat  me shkrim. Shpreh përmbajtjen e temave të zhvilluara , në mënyrë të saktë, korrekte dhe krijuese.
10	Zbaton njohuritë e mësuara në mënyrë krijuese në çdo situatë edhe nëse nuk janë trajtuar në program. Tregon se zotëron në mënyrë të sigurtë temat \ çështjet e zhvilluara duke i shprehur me saktësi dhe korrektësinë maksimale.